Hasta’l día 16 podrán facese nos supermercaos donaciones económiques. La Gran Recoyida del Bancu d’Alimentos marca un claru oxetivu: recaldar 300 tonelaes con donaciones de particulares en supermercaos como esti d’Uviéu.
Búscase sobre manera productos de primer necesidá y non perecederos. Y, sobre manera, productos infantiles como lleche o pañales. 900 voluntarios apurren el so granín d’arena nesta campaña.
Donaciones que lleguen tamién dende La Felguera o dende Xixón. En total, hai repartíos 350 puntos como esti per tol Principáu.
N’Asturies hai más de 130.000 persones en riesgu de probeza. Esta iniciativa ye la más importante del añu pal Bancu d’Alimentos.
Esti fin de selmana recueyen donaciones físiques, pero hasta’l día 16 podrán facese nestos mesmos supermercaos donaciones económiques.
