LNE / El pueblu asturianu de 37 habitantes que fai la competencia a Vigo en Navidá: miles de lluces serpentean poles parés de cases, horros, cocheres y cortes. «Nun creo qu’haya nengún pueblu n’Asturies nel que tola xente decore l’esterior de les sos cases».
Si l’espíritu de la Navidá consiste en compartir ilusiones y proyectos, Aciera (conceyu de Quirós) ye’l pueblu más navidiegu del mundu. Estendíes –o más bien abigarraes– sobro la falda del macizu d’Ubiña, les casi cincuenta viviendes d’esta localidá compiten ente sí por convertir les fiestes navidiegues nun cantar a la sana vecindá, la imaxinación y el bon gustu. «Nun creo qu’haya nengún pueblu n’Asturies nel que tola xente decore l’esterior de les sos cases», comentaba un vecín a LNE. Ver n’Instagram
Xardinos, antoxanes, parés, balcones, arcos de ventanes… Cualquier espaciu esternu ye afechu pa instalar decoraciones, lluces, figures, escenes… Nun se llibra la pervalible flota d’horros d’Aciera, ente ellos xuno de los más antiguos d’Asturies: de pies lleva más de 500 años.
Aciera ta emplazado a unos 35 kilómetros d’Uviéu, lo que se traduz n’otros tantos minutos de coche pa llegar. A unos cientos de metros, el banzáu de Valdemurio, escenariu veraniegu d’actividaes acuátiques; y, al llau, El Llanu, see d’una escuela d’esguilada deportiva con muncho tirón. De manera fixa moren nel llugar xuna docena de families.
Pel branu, la población multiplícase. L’asociación vecinal axunta a unos 125 miembros. Dende va unos años, en Navidá, les estreches caleyes d’Aciera enllenense de visitantes qu’esfruten de cada rincón. Munchos repiten esperiencia, pos la decoración va camudando añu tres d’añu, aumentando con nuevos motivos y distintes escenes.
Esti pueblu tan activu cunta anguaño con un nuevu centru social que pertenez a l’asociación de vecinos Canor Fandos, n’alcordanza d’un añorado vecín y alcalde pedáneo. Un pueblu activu qu’a lo llargo del añu realiza distintes actividaes lúdiques como la fiesta de La Madre de Dios, un amagüestu o una bonitada, ente otres iniciatives. El chigre «El rincón d’Aciera» reabrió dempués d’una temporada zarráu, agora xestionáu por una pareya forana: un cocineru italianu y la so compañera canaria.
