Autor ALBERTO PIERUZ / Testu LETICIA SÁNCHEZ
A final de payares, la cometa 3/Atles va raspiar el nuesu cielu. Un viaxeru perantiguu, nacíu primero que’l Sol, un cachu de xelu y polvu que crució la galaxa convertíu n’una gran llurdiu azul eléctricu. Nun se paez a nada del nuesu sistema solar.
Cada vez qu’una cometa pasa barganal de la Tierra, la humanidá entra en resonancia ¿A qué suena l’universu?✨
Nel espaciu nun viaxa’l soníu pero les estrelles cimblen, llaten, pulsien y eses oscilaciones crean verdaderes melodíes cósmiques.
La astrosismología déxanos “escuchar” eses sinfoníes ocultes: ondes que faen rellumar distintu a les estrelles y que revelen lo qu’asocede nel so interior, como si fueren preseos xigantes.
Dende los pitagóricos hasta les sonificaciones actuales que traducen datos astronómicos en soníu, siempres quixímos afayar qué canta l’universu.
¿Y si esa música paecer al soníu d’una gaita? La gaita, col so tonu vibrante y sostenío, tien daqué de estelar: un pulsu continuo, casi hipnóticu, que recuerda a eses variaciones nel rellumu que detecten telescopios como Kepler o TESS. Cuando l’aire cimbla nel preséu, naz un soníu que paez espandise, igual que les ondes que percuerren l’interior d’una estrella supergigante azul.
Tantu la gaita como les estrelles y quiciabes tamién les cometes interestelares comparten lo mesmo: vibración, ritmu y una enerxía que se siente más que s’esplica. Una música que conecta tierra y cielu, ciencia y emoción.
Pue que nunca viaxemos ente galaxes…
pero cada vez que pasa un cometa, y cada vez que suena xuna gaita, daqué del universu tamién cimbla con nós.
- Esta portada ye la segunda collaboración d’Albert Pieruz, @pieruzilustración ilustrador especializáu en proyectos editoriales, prensa y publicidá. Cuenta con diverses publicaciones y reconocencies. Doctoráu n’ilustración compaxina estes actividaes cola docencia.
- Leticia Sánchez @letisaurus ye la cometa del universu The Asturianer, cuando escribe sobro les nueses portaes consigue camudar la vibración de les mesmes.
- @theasturianer./#cometaatlas./#gaitaasturiana
