Actaualidá / El Principáu entama en Castropol l’alcuentru Xuntoiro para favorecer l’intercambiu ente los sectores culturales qu’usen l’eonaviego. L’eventu, que se va celebrar del 21 al 23 d’esti mes, inclúi conciertos, presentaciones lliteraries, espectáculos infantiles, esposiciones y un recital poéticu en barca pola ría del Eo. Nota prensa Xuntoiro 2025 (trilingüe)/Programa Xuntoiro 2025Un alcuentru qu’amuesa la vitalidá creativa de la llingua eonaviega. Los díes 21, 22 y 23 d’esti mes podrá esfrutase d’esti eventu, que busca favorecer l’intercambiu de los distintos sectores culturales qu’utilicen esta llingua.
Tres les ediciones anteriores nos conceyos d’A Veiga, El Franco y Santalla d’Ozcos, anguaño optóse per Castropol para acoyer íntegramente esta cita que pon en valor esta llingua usada nel occidente y la cultura, y qu’ufierta una trentena d’actividaes que se van desenvolver, mayoritariamente, nel Teatru Casín y la so redolada.
Toles actividaes son gratuites y tán dirixíes al públicu xeneral, con un protagonismu especial para la infancia, a la que se dedica la xornada mañanera del día 21, en collaboración col Colexu d’Educación Infantil y Primaria El Palombu.
El programa combina talleres infantiles, actividaes familiares y propuestes de dinamización del eonaviego cola celebración de charres, conciertos y teatru. Ente les actividaes destaquen ¡El Xuntoiro chega á escola! y Pedras nel camín, la conferencia A lliteratura eonaviega alredor del Castropol y El Aldeanu, los conciertos de Susana Gudín y Mestura y la pieza teatral A radiu de bulito.
El sábadu ufierta la Libreiría eonaviega, talleres como’l de cestería o’l de podcast, el cursu exprés de Falamos Vos meus primeiros paso col eonaviego y actividaes familiares como ¡Cúntame un conto! Sumense presentaciones d’obres como El sabicheiro, y Vos albióis pequenos y un alcuentru lliterariu con títulos como Estaxos y Mentres faga solombra. La nueche inclúi teatru con El trasno y el molieiro y conciertos de Clandestías y Amarradizo.
El domingu hai programáu un taller d’alfombres florales, la visita empuesta Conocendo Castropol y el recital poéticu en barcu Recitando na ría del Eo, ente otros actos. La xornada va zarrase cola llectura n’eonaviego de Na mariña de Santiniebla y la sesión audiovisual El cine que fala.
Mientres tol eventu ufiértense propuestes permanentes como’l menú de versos eonaviegos, esposiciones, la biblioteca ambulante y el bookcrossing ¡Ceiba vos llibros!
El Xuntoiro amuesa’l músculu creativu del eonaviegu
Un programa ambiciosu pa promocionar la llingua más occidental de la rexón.
Amosar el músculu creativu del eonaviegu ye’l principal fin del cuartu Xuntoiro. Tres pasar yá per A Veiga, El Franco y Santalla d’Ozcos, nesta ocasión Castropol ye’l llugar escoyíu pa celebrar una trentena d’actividaes pa promocionar l’actividá cultural alredor del gallego-asturianu, la llingua más occidental de la rexón.
Conferencies, cursos, talleres d’oficios tradicionales y esposiciones de llibros completen un programa mui ambiciosu.
Nun falta la música o’l teatru. Tamién se celebren cursos básicos d’iniciación al eonaviegu, que cada vez tien más presencia en colexos y institutos de la zona.
Inda va poder esfrutase del Xuntorio esti domingu. Toles actividaes son gratuites.
