Para crear consciencia sobro la importancia de los polinizadores, les amenaces a les que s’enfrenten y la so contribución al desenvolvimientu sostenible, l´ONU declaró’l 20 de mayu como Día Mundial de les Abeyes.
El nuesu país alluga una escepcional variedá d’abeyes y otros polinizadores, claves para’l caltenimientu de la biodiversidá:
? 1.122 especies, más de 100 reinales.
? 258 camparines diurnes y 5.150 nocherniegues.
➕ Otres especies (pequenos mamíferos, aves…).
El 20 de mayu foi escoyíu para’l día añal, pos coincide cola fecha de la nacencia d´Anton Janša, quien nel sieglu XVIII foi pioneru nes técniques modernes d’apicultura nel so país natal, Eslovenia –país qu’impulsó la celebración-, y reconoció a estos insectos pola so habilidá para trabayar duramente y riquiendo al empar bien poca atención.
- Antón Jansa: Bio /Video/ Artículo
- Día Mundial de la Abeja: info / logo
Nenguna abeya vive si nun ye para sirvir a les demás. Siendo una, toes progresen. Jesús Manzano
Les abeyes, camparines (mariposes) y otros polinizadores tienen influencia sobro nós. Los alimentos que consumimos, como frutes y vexetales, dependen directamente de los polinizadores. La mayoría de les 25.000 a 30.000 especies d’abeyes (Hymenoptera: Apidae) son polinizadores efectivos y, xuntu con polillas, mosques, aviespes, escarabayos y camparines, constitúin la mayoría de les especies polinizadores.
La celebración del Día Mundial de les Abeyes tien dellos oxetivos:
- llamar l’atención de la población mundial y de los políticos sobro la importancia de protexer a les abeyes
- recordar que dependemos de les abeyes y otros polinizadores
- protexer a les abeyes y a otros polinizadores pa contribuyir de forma significativa a resolver los problemes rellacionaos col suministru mundial d’alimentos y esaniciar la fame nos países desenvueltos
- detener la perda de biodiversidá y la degradación de los ecosistemes, y de esa manera contribuyir al llogru de los Oxetivos de Desenvolvimientu Sostenible.
iframe width=»100%» height=»364″ src=»https://www.youtube.com/embed/hMSnhh8qQGQ»]
