Los MAZCARITOS D’UVIÉU son una mazcarada urbana, estudiada n’Asturies. Una comparsa que corría l’antroxu pidiendol’aguinald peles cais de la ciudá. L’Asociacion Cultural Mazcaritos d’Uviéu, (IG / Facebook) que vien recuperando l’Antroxu tradicional de la ciudá y conceyu de la capital asturiana, entama los nueve años d’esistencia y saluda l’aniciu del procesu de BIC, Bien d’Interés Cultural Inmaterial del Principáu d’Asturies, con una esposición y unes xornaes informatives p’amosar a la ciudadanía los sos planes de futuru:
- 1. El proyecto en marcha p’abrir un nuevo espaciu na redolada la Fonte Foncalada, al cabu la cai Gascona, onde arrendemos un local que tamos afaciendo pa desendolcu d’actividades culturales.
- 2.El centenariu del trabayu de la fotógrafa Ruth Matilda Anderson que pa 1925 visitara la nuesa ciudá y ficiera semeyes del Antroxu y la Foncalada pa la Hispanic Society of America de Nueva York.
- 3.La invitación recien recibida del Múseo Nacional de Antropología de Madrid qu’afita la nuesa reconocencia como mazcarada urbana nel norte d’España y abre la puerta a futures collaboraciones con entidades ya instituciones.
- 4. La participación nel FIMI 2025, Festival de Máscara Ibérica que se proxecta n’Uviéu.
- 5. La collaboración dientro del proyectu Oviedo/Uviéu Ciudá Europea de la Cultura.
- 6. Asina mesmu, mientres s’arregla’l nuevu espaciu enfotamonos a facer actividaes pala neñez y mocedá en centros sociales, colexos ya Institutos de la Ciudá y recoyer memoria oral de persones mayores, al empar que trabayamos en la preparación del Antroxu del año 2026.Pa too ello ye menester que nos conozca meyor la ciudadanía y participe de les nueses actividaes, y poro facemos estex xornaes d’alcuentru nel Cibercentro La Lila cola esposición de semeyes d’Elena de la Puente y la recreación de perxonases del Antroxu. Asina mesmu va haber una xornada pa families, pola amor d’implicales y ampliar la nuesa base social.
