El Gobiernu remata la norma sobre la esposición de menores en redes sociales. RTPA
Más del 80% de los ñácaros tán presentes nes redes enantes de los 6 meses.
El Ministeriu de Mocedá y Infancia remata la norma pa regular la esposición de los menores en redes sociales y plataformes polos sos padres o d’otros adultos y espera tenela llista nel primer trimestre de 2026
Más del 80% de los ñácaros tán presentes nes redes enantes de los 6 meses y ye que compartir semeyes y vídeos de menores n’internet ye una práctica cada vegada más avezada.
Precisamente por ello, el gobiernu prepárase pa regular esta práctica conocida como ‘sharenting’. L’oxetivu ye caltener la intimidá de los menores, pero tamién protexelos d’otros riesgos.
El proyectu de llei plantegaría pautes pa la formación de les families pero tamién afitaría obligaciones pa les plataformes dixitales. Tamién marcaría llendes a los qu’usen la imaxe de los menores pa xenerar beneficios económicos.
La norma, que podría aprobase nel primer trimestre del añu, tamién propón regular la esposición de los menores a les pantalles pa prevenir adicciones o problemes de salú mental.
Fortalecer los sistemes de verificación d’edá pa entrar a les plataformes dixitales o inxertar alvertencies nel etiquetáu de los productos son dalgunes de les midíes que se planteguen.
