Adiós a ‘Selito’, l’alma de la cerámica de Faro. José Vega, l’artesanu que lluchó como naide pola pervivencia de la tradición alfarera de Limanes. El Comercio / LNE / RTPA /
José Vega Gutiérrez, ‘Selito’, conocíu como’l postrer alfareru de Faru nel conceyu d’Uviéu. El so taller, reconocíu pol so valir cultural, foi incluyíu nel Inventariu del Patrimoniu Cultural d’Asturies como bien etnográficu. Esta alfarería remóntase al sieglu XI y nel XVIII cuntaba con más de 70 productores.
Col tiempu, la tradición entamó a menguar y anguaño el taller de ‘Selito’ yera l’únicu que caltenía viva esta tradición ancestral.
El centru alfareru de Faru de Limanes ye unu de los productores de cerámica más importantes dende’l sieglu XI hasta l’actualidá nel noroeste de la península ibérica. La so cerámica tuvo presente de forma cotidiana na sociedá medieval, moderna y contemporanea asturiana dende fai siquier mil años y foi testigu de los sos cambeos y tresformamientos.
En 1749, cuando’l Marqués de la Ensenada redactó’l so famosu Catastru, nel pequenu llugar de Faru producíen ensin fuelgu cerámica setenta y cinco fornos comandaos por otros tantos artesanos. Mientres munchos años, yá nel sieglu XX, nesta pequena aldega asitiada a seis kilómetros d’Uviéu, solo quedaba un alfareru, José Vega, ‘Selito’.
Les pieces más soprendentes y representatives de Faru son ensin dulda el gallu y la pita. Trátase d’unos «botijos» que paecen más propios d’un muséu surrealista que d’un alfar asturianu, pero ende tán, entre xarres de sidra, escudilles y platos…
Frente a la capiya de Faru d’Enriba, una modesta escultura recuerda a los maestros alfareros que dieron fama mundial a la parroquia de Limanes. Foi ‘Selito’, ensin dala dulda, quien más lluchó por que esa fama perviviese nel tiempu, por que nun s’escaeciera l’oficiu nin la tradición a la que dedicó tola so vida. José Vega, el postreru gran alfareru de Faru, finaba esti miércoles n’Avilés a los 76 años.
https://www.verpueblos.com/fotos_originales/2/3/0/00881230.jpg
Entá recuerden con respigu en Limanes el bombazu que fixo tremecer la so casa’l 30 de xunetu de 2023. Aquella mañana, l’hestóricu alfareru sobrevivió de milagru y ensin un rascuñu a una brutal esplosión de gas que destruyó parcialmente’l so taller. ‘Selito’ llevantárase ceo, como acaldía y allegó a la cocina para preparar l’almuerzu y fregar los caciplos mientres la so muyer, ‘Milita’, permanecía nel esterior de la vivienda.
Para encender el fueu, como fixo miles de vegaes, baxó al suétanu, abrió’l gas -butanu- y volvió xubir les escaleres camín de la cocina. Pero en llugar de la bombona qu’alimenta los fogones, aquel día abrió por erru la del fornu nel que cocía les sos pieces. Adulces l’habitación foi enllenándose de gas y cuando ‘Selito’ remanó’l mandu de l’agua caliente para fregar, la chispa de la caldera de gasoil, na mesma habitación que’l fornu, fixo’l restu. La casa, con tol so conteníu, derrumbóse, provocando un gran desastre na histórica vivienda del sieglu XIII y en parte del so delicáu conteníu. Los vecinos entornáronse para recuperar aquel taller y tolo qu’había’l so interior. De magar, ‘Selito’ y la so muyer vivíen n’Avilés.
Un añu dempués, trelce de los ventisiete miembros de l’Asociación d’Amigos de l’Alfarería de Faru presentó’l so nome de Xunta pola defensa de l’Alfarería Tradicional de Faru, con José Manuel Vega, ‘Selito’, a la cabeza, provocando un inéditu cisma ente los artesanos qu’entá güei resquema.
‘Selito’, nietu y fíu d’alfareros, criose ente la folla y la cerámica que se cocía nel históricu fornu de la so casa; estudió y curió de la tradición de la meyor forma que supo y dedicó la so vida a defendela. Agora van ser otros quien tengan que faelo, con meyor o peor fortuna. Él dexa discípulos, como dexa apenada a la so muyer, Emilia, y a los sos fíos Beatriz y Daniel. Esti xueves, a les 13 hores, va celebrase’l funeral de cuerpu presente na ilesia parroquial de Santa María de la O de Limanes y, darréu, va recibir cristiana sepultura nel campusantu parroquial.
L’hestóricu artesanu José Manuel Vega, «Selito», consideráu por munchos l’últimu baluarte de la milenaria artesanía de Faru. La muerte de «Selito» supon un duru revés para la supervencia del arte tradicional d’esta localidá de l’aguada uvieina de Limanes, una ayalga documentado dende’l sieglu XI que «Selito» contribuyó a caltener calteniendo viva una hestoria y cerámica que pasó de padres a fíos mientres cientos d’años.
