Nun ye l’asturianu l´’unicu idioma minorizáu‘l qu’apaez nesti álbum de Vegas; l’euskera y el catalán apaecen en dos de los catorce temes que componen el discu. Son, precisamente, dos interludios que lleven los nomes d’Anna y Adur. La llingua asturiana tamién apaez, amás, de manera simbólica, nel cantar que-y dedica a Cristina Vegas, ma del cantautor, y que titula ‘Fíu’.
«El cantar ‘Seis pardales’ ye’l más políticu de los trés asoleyaos n’asturianu. Trátase d’un tema dedicáu a Les 6 de La Suiza, sindicalistes de Xixón que fueron condergaes por defender los derechos llaborales y sindicales.»
‘Les ales’ ye la primer propuesta que Vegas nos presenta nesti Vidas semipreciosas n’asturianu, un tema mui poéticu nel que fala metafóricamente de les aves, nel que se dexa entrever un tema de preocupación alta na sociedá como ye la violencia de xéneru.
El cantar ‘Seis pardales’ ye’l más políticu de los trés asoleyaos n’asturianu. Trátase d’un tema dedicáu a Les 6 de La Suiza, sindicalistes de Xixón que fueron condergaes por defender los derechos llaborales y sindicales y qu’entá anguaño cumplen el tercer grau penitenciariu. Nacho Vegas fala equí de «la mesma hestoria de siempre» y denuncia esti casu sindical que ye tristemente conocíu en tol estáu español. No musical, el cantar ye una adaptación de ‘El chaflán nº8‘, unu de los cantares de la Revolución d’Ochobre del 34 y que tiempu depués espublizara’l Grupu Cultural Xana.
L’últimu tema del discu ye tamién n’asturianu, como pasara nel trabayu Mundos inmóviles derrumbándose. Ye ‘L’acabose’, un tema qu’afonda nes despedíes y tolo qu’entá queda por cuntar y cantar neses «vides y coses semiprecioses», onde tamién apaez l’euskera nuna conversación.
Nacho Vegas entama amás, tres la publicación del discu, la so xira. L’artista va facer dos paraes n’Asturies; una’l 30 de xineru en Mieres y, al día siguiente en La Benéfica de L’Infiestu. Dambes actuaciones tienen el cartel d’entraes agotaes dende va tiempu.
El cantautor asturianu Nacho Vegas estrena nuevu discu, ‘Vidas semipreciosas’. Ye’l so novenu álbum d’estudiu y nél reivindica valores como la imperfección, l’amor o’l compromisu políticu.
Cuatro años dempués del so últimu trabayu, Nacho Vegas vuelve con ‘Vidas semipreciosas’, un discu nel que fala de lo guapo de la imperfección, del amor o de la llucha.
Once canciones, en castellanu y n’asturianu, con muncha poesía pa reivindicar tamién el compromisu políticu. Con grandes collaboraciones, por exemplu, con Rodrigo Cuevas.
El cantautor xixonés ve los sos 25 años de carrera con otra perspectiva pero, confiesa, calteniendo la inocencia y, sobre manera, los sos raigaños.
La xira de presentación entamará en Mieres el 30 de xineru viniente. Enagora, sedrán dos conciertos n’Asturies, coles entraes yá escosaes, pero, confirma, habrá más feches.
