Les güelgues, en peligru pola contaminación y presión turística.
L’Asociación Española d’Ornitoloxía alvierte del descensu de la gavilueta patiamarilla, la más común n’Asturies. Güei ye 2 de febreru, día mundial de les güelgues. N’España les más destacaes son: Doñana, El Delta del Ebro, Las Tablas de Daimiel y L’Albufera de Valencia. N’Asturies destaquen la ría del Eo y la de Villaviciosa. Son espacios cimeros pa la biodiversidá, allugando numberoses aves migratories y especies protexíes.
A l’Asociación Española d’Ornitoloxía esmolez-yos l’estáu de les nueses güelgues, sobre manera el de la ría de Villaviciosa apunta Nicolás López Jiménez, delegáu territorial n’Asturies de la Sociedá Española d’Ornitoloxía.
Esto traduzse en falta d’alimentu pa eses aves y un amenorgamientu del 80% na presencia d’aves nos últimos años.
Destaquen tamién la perda de la tradición neses güelgues.
Alvierten amás del pergrán descensu de la gavilueta patiamarilla, la más común n’Asturies, que pasó de 50.000 exemplares a 5.000. Trabayen col conceyu de Xixón y esti va ser l’últimu añu que se quiten niales pa controlar la especie.
