Si anguaño te propunxisti mirar menos el móvil y más el cielu, equí tienes dellos eventos astronómicos para faelo posible. LNE
Lucía González, mientres una salida a observar estrelles en Lago (Ayande). / Glendor Díaz
Este 2026 va pasar a la hestoria por ser l’añu del primer eclís solar total del sieglu XXI n’España : nel país nun se produz unu similar dende 1905, magar el postreru na Tierra foi’l 8 d’abril de 2024, visible n’América del Norte. Y para más seña Asturies va ser unu de los llugares col meyor allugamientu para esfrutar de tal acontecimientu astronómicu, en concretu, en L.luarca asítiase’l puntu, según los espertos, nos que podrá vese a la Lluna tapando al Sol mientres más tiempu: 1 minutu y 50 segundos. Allande Stars
Naide, o bien pocos, quieren perdelo. D’ende que les places d’agospiamientu n’Asturies tean prácticamente escosaes pal 12 d’agostu, delles reservaes yá dende fai más d’un añu. Pero hasta esi día que muncho tiempu y los entusiastes de l’astronomía tienen munches más cites nel cielu asturianu hasta esa fecha.
L’equipu d’Ayande Stars, una empresa de divulgación científica asitiada en La Puela Ayande ya impulsada pola astrónoma Lucía González, diseñó un calendariu de lo más completu pa esfrutar de los «eventazos» astronómicos de 2026 n’Asturies, que nun son pocos.
Eclises. En cuanto eclises el del 12 d’agostu va ser el más importante, pero non l’únicu. Alejandra Rueda, del equipu d’Ayande Stars, esplica qu’el 28 d’agostu va haber otru, que va ser parcial de Lluna.
Agua d’estrelles. Tamién va haber munches oportunidaes, esplica Rueda, d’esfrutar de l’agua d’estrelles anguaño, que yá empezó coles Cuadrántides en xineru. Escontra’l 22 d’abril va ser el máximu» de les Líridas –orixinaries na cometa «Tatcher» y de les más antigües que se tienen conocencia– y del 5 al 6 de mayu, el meyor momentu pa les Eta Acuáridas, los restos del célebre cometa «Halley» polos que traviesa a estes altures del calendariu la Tierra. A finales de xunetu, el día 30, va ser la vez de les Delta acuáridas, a les que la Lluna casi llena va enzancar ver.
Equipu d’Ayande Stars. Irma Collín
Depués va haber qu’esperar precisamente al 12 d’agostu, marcáu en colloráu pa los espertos y aficionaos a l’astronomía, porque amás del eclís solar total nesa fecha toquen les famoses Perseidas o llárimes de San Llorienzo. «Si salisti al campu a ver l’eclís y tas llueñe de posibles focos de contaminación llumínica, aprovecha pa quedar unes hores más esfrutando de l’agua de meteoros», aconseyen n’Ayande Stars.
