Autor DIEGO ESTEBO / Testu RODRIGO CUEVAS
Resulta casi una prevocación imaxinar un mundu feliz nestos tiempos escuros y sicasí, equí tamos, porque dacuando la lluz precisa ser invocada.
Nuesa portada de güei ye un chisgo cómpliz y una celebración compartida d’ese axitador cultural, artista inclasificable y activista rural que respuende al nome de Rodrigo Cuevas, el más mediáticu de la nuesa pequeña gran comunidá y probablemente xuno de los más valientes.
Ponemos el focu na so última creación, texida al pie de otra gran muyer que tamién supo remover cimientos nel so tiempu: Massiel.
Dambos coincidieron el pasáu 14 de payares na inauguración del Festival Internacional de Cine de Xixón. La madrilana asturiana, retirada de los escenarios dende 2013, recibía ellí un merecíu galardón a toa una trayectoria artística que forma parte de la nuesa memoria colectiva. Y entós asocedió daqué imposible d’ensayar.
Ensin artificios nin focos añedíos, improvisaron a capela unu de los grandes ésitos de Massiel y apaeció la química, esa eletricidá que surde cuando l’arte reconoz al arte, cuando dos persones tocaes pola xenialidá mírense y entiéndense ensin palabres.
Nun ye casual que l’autor d’esta portada sía gallegu, foi nel corazón d’una aldega gallega onde Cueves entró en contactu cola música tradicional más pura gracies a les pandereteiras del llugar.
Diego Estebo @diegoestebo ye ilustrador y diseñador gráficu. Collabora con distintes editoriales en proyectos para públicu adultu ya infantil, moviéndose ente lo escuro y lo tienro. Tamién imparte talleres creativos en museos, biblioteques y escueles d’arte, onde comparte procesos, ferramientes ya idees y anima a otros a esquizar la so creatividá y atopar el so propiu llinguaxe visual.
Rodrigo Cueves @rodrigocuevasg ye un artista multidisciplinar: cantante, compositor, acordionista y percusionista. Estudió pianu y tuba nel Conservatorio d’Uviéu y Sonología na Escola Superior de Música de Catalunya (ESMUC) de Barcelona. En 2023 foi galardonáu col Premiu Nacional de les Músiques Actuales
