- El Principáu sofita les obres de poesía y prosa, teatrales y musicales nes llingües propies d’Asturies. Actualidá
- El plazu pa presentar les solicitúes remata’l 4 y el 5 d’abril
- La Conseyería de Cultura, Política Llingüística y Deporte convocó los premios lliterarios y artísticos que distinguen les meyores obres en llingua
asturiana y n’eonaviegu en diez disciplines. - El Boletín Oficial del Principáu d’Asturies (BOPA) publica les bases de los gaLlardones, colos que’l Gobiernu asturianu apuesta pol usu y promoción de les llingües propies del Principáu.
- El plazu pa presentar les creaciones lliteraries y artístiques va permanecer abiertu 30 díes naturales, hasta’l 4 y 5 d’abril en función de la categoría.
- Les reconocencies que tienen de plazu hasta’l 4 d’abril son:
- XXXII Premiu Xuan M.ª Acebal de Poesía en llingua asturiana. Pue participar cualquier persona que nun resultare ganadora na edición
anterior, con un poemariu escritu n’asturianu con una estensión mínima de 25 poemes o 400 versos, inéditu y non premiáu n’otros concursos. - XXXII Premiu Máximo Fuertes Acevedo d’ensayu en llingua asturiana. Pue participar cualquier persona que nun resultare ganadora na edición anterior, con un ensayu escritu n’asturianu con una estensión mínima de 50 páxines, orixinal, axuntando les característiques del xéneru ensayísticu, inédita y non premiada n’otros concursos
- XVIII Edición del Premiu al Meyor Cantar ‘Camaretá’ Pueden participar músicos solistes o que formen parte d’un grupu musical
con un cantar con lletra n’asturianu o n’eonaviegu editáu y divulgáu a lo llargo del 2025 y hasta la fecha de la convocatoria. - VI Premiu Florina Alías a la meyor traducción al asturianu. Trátase d’una reconocencia a la meyor traducción al asturianu d’obres
orixinales escrites en llingua diferente de la castellana o del eonaviegu, de calter lliterariu y non lliterariu, editada en formatu papel o dixital y divulgada nel añu 2025. - XVIII Premiu Alfonso Iglesias de Cómic en llingua asturiana. Pue participar cualquier persona que nun resultare ganadora na edición
anterior, con un cómic escritu n’asturianu con una estensión mínima de cincuenta páxines. L’estilu, tratamientu y tema va ser llibre, y la obra
presentada va poder incluyir el desenvolvimientu d’una historia única o un conxuntu d’histories (rellacionaes o non ente sí). La obra presentada habrá
ser orixinal, inédita y non premiada n’otros concursos. - XIX Premiu María Josefa Canellada de Lliteratura Infantil y Xuvenil en llingua asturiana. Pue participar cualquier persona que nun resultare ganadora na edición anterior, con obres de lliteratura infantil escrites n’asturianu, pertenecientes a cualquier xéneru lliterariu, independientemente de que se trate d’una propuesta pa prellectores, primeros llectores o públicu infantil con habilidaes llectores. Si se trata de poesía, la estensión máxima va poder ser de 25 poemes o, de ser una cantidá inferior de poemes, un mínimu de 250 versos. Les obres, orixinales, de tema, xéneru y estructura llibres, han ser inédites y non premiaes n’otros concursos.
- XLVII Premiu Xosefa Xovellanos de Novela en llingua asturiana. Pue participar cualquier persona que nun resultare ganadora na edición
anterior, con una novela escrita n’asturianu d’una estensión mínima de setenta y cinco páxines. Les obres, orixinales, han ser inédites y non
premiaes n’otros concursos. - IV Premiu Pachín de Melás de testos teatrales en llingua asturiana. Pue participar cualquier persona que nun resultare ganadora na edición
anterior, con obres teatrales orixinales escrites n’asturianu y que puedan ser representaes con una duración d’ente 50 y 90 minutos. Pue presentae
un testu teatral únicu o un conxuntu de pieces curties. - VI Premiu Enriqueta González Rubín de Narrativa moza en llingua asturiana. Pueden presentase noveles o recopilaciones de cuentos escritos en llingua asturiana, de tema y estructura llibres que seyan inédites, con una estensión mínima de 50 páxines, con lo menos 100.000 caracteres, non premiaes n’otros concursos y escrites por persones menores de 31 años nel momentu del fin de plazu presentación de solicitúes.
- X Premiu Nel Amaro de Teatru profesional en llingua asturiana o n’eonaviegu. Pueden presentase empreses del sector profesional dedicaes a la producción y representación d’espectáculos teatrales con obres yá estrenaes y representaes n’asturianu o eonaviegu. Cada empresa
interesada va poder presentar al premiu namás un espectáculu.
