Autora ANDREA REVILLA / Testu: AITANA CASTAÑO
Anita Sirgo nació en Lada (Llangréu) y creció tantu que nel el so cuerpón de muyerona, les les sos manos y esos llabios que nun perdía la oportunidá de pintar, empezó llueu a caber tamién la llucha pola xusticia social.
Ella —nunca sola, porque para eso tán siempres les amigues— foi una de les cabeces visibles (y rapaes en siendo torturaes) de les fuelgues mineres de los años 60.
Sirgo y el batallón de muyeres col que naide cuntaba non solo conformáronse como una clandestinidá entamada, sinón tamién eficaz.
Recoyíen alimentos pa les families en fuelga, tresmitíen mensaxes ente el trabayadores, partíen pasquinos y llevaron a cabu la protesta más poética de tola llucha obrera: tirar maíz a los pies de los esquiroles, pa llamalos pites.
El so fuerza llevólo al esiliu mientres dos años. Ellí aprendió a lleer y a escribir, y dellí tornó pa siguir faciendo lo que meyor se -y daba: lluchar polo que creía xusto pa los suyos, que yeren toos y toes.
Nunca agambó nel so enfotu, nin cola llegada de la democracia, nin col cambéu de mileniu dempués.
Nel añu 2013 foi una de les firmantes españoles de la Querella Arxentina contra los crímenes del franquismu.
Porque, amás de nome, Anita tuvo xeniu, figura y exemplu pa protagonizar toles portaes del mundu, tamién el númberu 83 de The Asturianer.
La ilustradora Andrea Revilla, @trozosdecristal recibe bona parte de la so formación na ESAPA, y na Escuela d’Arte d’Uviéu. El so estilu de colores oldeaos consigue l’impactu visual col que llogró captar la sorrisa más Anita Sirgo que podáis imaxinar y tamién el so color de llabios.
Aitana Castaño, @sairutsa autora del testu, non solo tuvo la suerte de conocer en persona a la nuesa protagonista y estelase col so nome y hestoria, tamién tomó como misión vital escribir llibros ya histories sobre toos les “anitas y anitos” que mientres décades se partieron los cuernos por sacar alantre les cuenques mineres dende los valores democráticos.
@theasturianer
#anitasirgo
#mujeresextraordinarias
#8demarzodiadelamujertrabajadora
#culturaminera
