L’Alcalde, Alfredo Canteli presentó güei llunes un nuevu puzle didácticu sobro la zona rural del conceyu, una iniciativa ellaborada nel marcu de la Escuela Taller y concebida p’averar a vecinos, escolares y usuarios de centros sociales el patrimoniu, la hestoria y los principales puntos d’interés de los pueblos d’Uviéu d’una forma visual y accesible. 
Toda la información en https://tinyurl.com/dehbw8eu
Toda la información en https://tinyurl.com/dehbw8euEl trabayu desenvolvióse en dos formatos.
- Per un sitiu, un puzle de mesa que dexa conocer de manera senciella la organización y singularidá de les distintes parroquies del conceyu.
- Por otru, un mapa interactivo disponible na web rural.*oviedo.es, qu’ufierta información sobro la zona rural y propón amás un xuegu con trés niveles de dificultá esplorador, conocedor y espertu— pa poner a prueba les conocencies de los usuarios.
La conceyala d’Economía, Tresformamientu Dixital y Polítiques Sociales, Leticia González, destacó’l valor d’esta iniciativa como ferramienta pa sopelexar y poner en valor la riqueza de la redolada rural uvieina. “Ye una forma bien didáctica y curiosa d’averar a neños y mayores al patrimoniu, la hestoria y l’identidá de los nuesos pueblos, y tamién d’espertar l’interés per una parte esencial d’Uviéu como ye la so zona rural”, señaló.
Los puzles van distribuyise en colexos y centros sociales del conceyu col fin de fomentar la conocencia de la zona rural ente neños y mayores.
