Autora EVA LÓPEZ @eva_lopez_ilustracion
Testu LETICIA SÁNCHEZ RUÍZ @letisaurus
N’Asturies tenemos l’enorme privilexu de convivir con una infinita variedá de vida montesa, tantu animal como vexetal, por eso nuesa portada de güei ta dedicada a la cazumbre nueva”, nel so sentíu más lliteral, la que ta amestada a los ciclos de renovación de la naturaleza.
La cazumbre que percuerre los árboles ye, en ciertu mou, el pulsu que reactiva la vida nel so conxuntu, conectando cada elementu de la naturaleza nun procesu de renovación compartíu. La cazumbre nueva ye la espresión más clara de la continuidá de la vida, recuérdanos que, inclusive dempués de les etapes más fríes y escures, siempres esiste la posibilidá de volver #empezar, de crecer y de tresformase siguiendo’l ritmu constante y sabiu de la naturaleza.
Esti procesu non solo ye biolóxicu, sinón tamién simbólicu.
La naturaleza amuésanos que la renovación rique tiempu, nada floria de manera inmediata; tou respuende a un ciclu onde’l descansu ye tan necesariu como la crecedera.
La cazumbre nueva representa, asina, la capacidá de refaese tres periodos d’aparente apaciguadura.
- Eva López ye Doctora en Bioloxía y desenvolvió la so trayectoria profesional nel ámbitu de la investigación. Na actualidá, trabaya como técnica de Vida Montesa nel Principáu d’Asturies. De formación autodidacta especialicése n’ilustración naturalista con acuarela, disciplina al traviés de la cual esquiza y fomenta la conocencia, el respetu y la conexón cola naturaleza
- Leticia Sánchez ye la cazumbre lliteraria d’esti proyectu que fai rellumar col llatíu de les sos palabres el corazón y la piel de les portaes que-y dan forma.
@theasturianer
#covermagazine
#ilustradorasasturianas
#asturiasilustrada
#naruralezaasturiana
#culturaasturiana
