Nueve de cada diez adolescentes asturianos consumen bébora azucrao.
El consumu de bébora azucrao —como refrescos, bébora enerxético y deportivo— volvióse un vezu ente les y los adolescentes asturianos porque nueve de cada diez tómenlo davezu o de xemes en cuando, según afita un estudiu lideráu pola Universidá d’Uviéu.
El trabayu tamién evidencia que’l consumu d’esti tipu de productos nun se llenda a momentos puntuales, sinón que ta inxertu dafechu na vida de davezu de los adolescentes, sobre manera en contestos d’ociu y socialización, y qu’una normalización temprana del consumu pue afitar vezos poco saludables na edá adulta.
Esti vezu ta lloñe de ser inofensivu porque estos productos suelen tener gran cantidá de zucre y, en munchos casos, cafeína o otros estimulantes, y apurren amás un valir nutricional mui llendáu o nulu, a pesar de que’l so consumu entama a edá mui temprana y medra progresivamente cola edá.
