En Siero, la Pascua yá sabe a chicolate. Los escaparates enllénense de figures qu’amiesten tradición y imaxinación nun trabayu tan dulce como detallista.
Cada vegada son más espectaculares como una gran Hello Kitty o un castiellu inspiráu en Frozen. Y nun falten les últimes tendencies que marquen les redes, dende TikTok hasta les K-Pop, tan de moda ente les neñes, o la serie ‘Stranger Things’. Hai chisgos al fútbol, que nunca nun fallen, y opciones pa tolos bolsos, dende pequeñes figures de tres euros hasta pieces de dellos kilos.
Y xunto a too esto, munchos siguen apostando pola tradicional rosca de Pascua, mui típica en Siero y nes Cuenques.
N’Avilés, lo tradicional ye’l bollu de Pascua, un mantecáu del qu’una pastelería de tamañu mediu pue llegar a vender unos 1.000 kilos, con un preciu que se caltién al rodiu de los 30 euros el kilo, a pesar de la xubida de la materia prima.
Estos dulces llegarán dende’l domingu a manes de los sos dueños y entós entamarán a desapaecer.
