Cuévano, una nueva formación musical asturiana integrada por 12 músicos de sonadía. La banda prepara’l so primer discu y va dar el so primer conciertu’l próximu 10 d’abril.
Dolce músicos asturianos xuniéronse pa dar forma a Cuévano. Una nueva formación musical que surde de manera orgánica como resultáu de les nueches compartíes nes jam sessions de la tabierna polesa qu’agora da nome a la banda.
Formen parte del grupu nomes como Leticia Baselgas, Alicia Villanueva, Chino el Indio o Carlos Velasco.
Toos ellos pertenecen a distintes xeneraciones pero comparten una ambición común, la de poner en valir la música tradicional.
Aseguren que la so música naz del pueblu pa volver al pueblu. Los sos cantares nacen dende la cercanía.
La banda trabaya agora na grabación del que va ser el so primer discu y va ufiertar el so primer conciertu’l próximu 10 d’abril, na Taberna Cuévano.
