RTPA / San Tiso d’Abres rinde homenaxe al so postre más típicu d’estos díes, la rosca. La feria sorraya la necesidá de relevu xeneracional p’asegurar la so continuidá.
Ventisiete ediciones cumple la Feria de la Rosca cola que San Tiso d’Abres pon en valir al so postre más típicu de Selmana Santa y a quien lu vende. Cada vez menos pola falta de relevu xeneracional. Quiciabes por eso sigue siendo un productu mui buscáu.
Rosques qu’aguanten la medría del costu de la vida y que caltienen el mesmu preciu que va un añu: 12 euros la unidá. Y que s’escosaron en poques hores: pol so sabor, por tradición o inclusive como descubrimientu.
Una rosca que dende agora tien nueva embaxadora: Sonia Fidalgo.
Y ye que nun hai meyor forma, aseguren en San Tiso, d’adulzar estos díes.
