Autora y testu: MAR TORRANO @mar_torrano
La portada de güei forma parte d’un proyectu colaborativo que surde de @themasnounien cola idea de compartir temátiques comunes como ye’l casu de la contaminación de los mares. Mar Torrano, l’autora que robla esta portada escribe :
Sentada sobro un monte de borrafes, la serena repara’l mar.
Con ablayamientu y resignación, contempla’l tráficu marítimu cotidianu.
La degradación de los nuesos mares foi destruyendo’l so llar, y agora atópase arrodiada de basura.
Y de sópitu dizse:
—Mira, perhí llega’l barcu cola mierda barato que merqué pa llimpiar tou esto.
Na cornisa cantábrica vémoslo de cerca.
Barcos cargaos con mercancíes peligroses crucien les nueses agües acaldía, mientres l’alcordanza del Prestige sigue ende, como un repulgu que nun termina de cerrase.
Y mentanto el mar va enllenándose de plásticos, arramaos y silencios incómodos.
Nun vemos el día nel que se ponga frenu a la producción de plásticos.
Si pudiéramos escuchar güei el cantar d’esta serena ensin dulda oyeríamos el soníu d’un llamentu desgarrador.
@themasnounien
@theasturianer
#covermagazine
#contaminacionmarina
#noalplasticodeunsolouso
