Remata la campaña del oriciu con 17.262 quilos sacaos y un preciu mediu de 15,75 euros.
Nun comunicáu, la Conseyería de Mediu Rural y Política Agraria resaltó que se trata de «una resultancia mui significativa pa un recursu que tradicionalmente nun fuera consideráu profesional».
Nos dolce díes hábiles garráronse 16.474 quilos nos tres sectores establecíos, a los que se sumen 788 quilos del nuevu ensayu esperimental nel oriente.
La campaña incorporó per primer vegada una zona esperimental nel oriente asturianu, llendada a los pedreros de Vega–La Punta Carreros y Vidiago y suxeta a un estrictu control por aciu de GPS, muestreos diarios y rexistru individualizáu de captures.
Según Mediu Rural, los 788 quilos sacaos abren la posibilidá de consolidar esta área como un cuartu sector d’esplotación en futures campañes.
La conseyería resaltó qu’Asturies cunta güei con una rede de planes de xestión y esplotación estendida a tola mariña, basada nun modelu de gobernanza participativa ente alministración, cofradíes, sector y comunidá científica, una estructura que dexa xestionar de forma sostenible recursos como pulpu, angula, ocle, percebe o oriciu.
- Los oricios son un mariscu bien apreciáu, especialmente n’Asturies, conocíos pol so intensu sabor salín a mar. Peracábense principalmente les sos gónaes (yemes) de color naranxa, yá sía crudes, cocíes o n’ellaboraciones como revueltos y patés.
- La so temporada alta sueli ser pel hibiernu, ente payares y abril.
- Temporada: D’iviernu (xineru a marzu ye’l momentu álgido n’Asturies).
- Sabor y Testura: Intensu sabor a mar, con testura cremosa y color anaranxáu-acoloratáu.
- Preparación: Pueden comese crudos o cocíos (2 minutos n’agua ferviendo cola boca escontra riba).
- Platos comunes: Revueltu de oricios, tostas, paté, o a cencielles con un pocu de llimón.
- Alto valor nutritivu: Son ricos en proteínes, fibra dietética, fierro, yodu y fósforu, con poques caloríes.
- Saludable: Apurren omega-3 y son consideraos bonos pa tratar problemes estomacales (gastritis, acidez).
- Recuéyense mientres les marees baxes en zones de roques.
