Iván Álvarez, l’informáticu y pasteleru xixonés que trunfa en París con un salón de té que xenera coles de cuatro hores: «Tou ye caseru y nun uso margarina». L’asturianu, de 47 años, dio un xiru radical a la so vida va ocho años, cuando dexó la inxeniería para cumplir el suañu d’abrir un local inspiráu na ópera: «Tenía un salariu bonu y un trabayu fácil, pero taba engañándome a mi mesmu». «Violetta et Alfredo», bautizada en redes sociales como «la pastelería de Los Bridgerton», ye güei uno de los locales especializaos en brunch y almuerzos más famosos de la capital francesa, gracies a la so versión de los clásicos pancakes. #violettaetalfredosalondethe #salondethe #pariscoffeeshops/LNE
Iván Álvarez camudó va ocho años la informática pola pastelería para cumplir un suañu: montar en París, onde mora dende 2011, un salón de té inspiráu na ópera. Güei l’establecimientu d’esti xixonés, d’El Llanu, especializáu en brunch, almuerzos y xintes llixeres, «Violetta et Alfredo», ye unu de los más esitosos de tola capital francesa. Hasta cuatro hores de cola lleguen a esperar los sos veceros para probar los sos deliciosos «fluffy», la so particular versión de los clásicos pancakes. «Cuesta faer un cambéu de vida tan radical, porque yo tenía un salariu bonu y un trabayu fácil como informáticu, pero taba engañándome a mi mesmu», asegura al otru llau del teléfonu. La so pasión yera faer tartes y pasteles.
Simepre lo foi, dende pequeñu. Pero acabó estudiando Inxeniería Informática na Escuela Politécnica d’Inxeniería de Xixón, de la Universidá d’Uviéu, porque tamién-y gustaben los ordenadores». Por distintos motivos» en 2011 fixo les maletes y foise a París. Ellí siguió faciendo duces pa los amigos, que-y aportunaben: «¿Por qué nun faes un salón de té si tanta te gusta?». Y llanzóse. «Fixi una formación de pastelería nel Conceyu de París y depués lo que sería n’España la FP de pasteleru», esplica. Tou ello, gracies a qu’en Francia esiste lo que se denomina la rotura convencional», que ye una salida alcordada de la empresa con un paru de dos años.
Empezó a buscar locales. Atopó unu, el perfectu, na rue de Trévise. Pero nengún bancu emprestába-y el dineru que precisaba: «Toos ignorábenme». Fixo un crowdfunding, consiguió 10.000 euros más y por fin una entidá bancaria concedió-y el creitu. En xunu de 2018 abrió «Violetta et Alfredo».
Un namoráu de la ópera El nome del so salón de té ta puestu con intención. Iván Álvarez, de 47 años, ye un namoráu de la ópera. La primera que vio foi «La Bohème» en Xixón cuando tenía 28. Dende entós escucha ópera toes los díes. «En París diba a la ópera trés o cuatro vegaes a la selmana». Asina que el so negociu tenía que llamase sí o sí «Violeta y Alfredo», los protagonistes de La Traviata. «Anque sía una ópera n’italianu, asocede en París nel sieglu XIX y ta inspirada na figura de Marie Duplessis, que yera una cortesana que vivía na ciudá abargana del salón. Asina que tou tenía sentíu y decoré l’establecimientu como una casa parisina del sieglu XIX», cuenta.
El salón de té del asturianu Iván Álvarez
La pastelería de «Los Bridgerton». Cuando ún tría «Violetta et Alfredo» tien la sensación de tar nel salón de casa de la so güela. Diznos contantemente. Dalgunos en redes sociales yá lo bautizaron como la pastelería de «Los Bridgerton», la esitosa serie de dómina de Netflix. Nun ye pa menos: moldures doraes, sielles tapizaes, cortines brocadas, cacía de pocelana, semeyes y cuadros en parés y hasta el techu… Tou convida a recular nel tiempu. Y pa rematar, ópera como música de fondu.
Esi ambiente adulzáu con bona pastelería ye un ésitu en París. El «boom» llegó tres el covid. «Aquello foi una llocura. Teníamos cuatro hores de cola. Eso poníame bien, bien nerviosu. Nada merez cuatro hores de cola. Agora aselóse daqué la cosa, pero siguimos teniendo muncha xente», asegura.
La fama llegó-y de sópitu. El xixonés, ensin esperiencia nel mundu de la restauración, tuvo qu’aprender muncho a lo llargo d’estos ocho años. De xestión, de fontanería, d’eletricidá… Hasta de tapicería. El salón enterro tapizolu él mesmu. «La fama llegóme de sutrucu y empecé a contratar trabayadores. Aportamos a 15 en plantiya. Pero aquello yera un caos. Toos corriendo pola sala, naide sabía lo que tenía que faer, acabábamos escosos…». Reorganizó l’equipu y na actualidá son siete. Entá con eso y baxando la fiebre poles sos pancakes, agora gana más.
«Tou empezó porque un influencer, qu’agora ye amigu, díxome: ‘Tienes que faer los pancakes’. Yo nun quería faelos porque tol mundu en París ellabóralos. Pero investigando vi que se taba poniendo de moda los ‘fuffly pancakes’. Busqué recetes, camudeles, fixi pruebes y empecé a faelos». ¿Cómo son? «Son bien altos, porque se faen con clares de güevu montaes. Nun tien lleldu y son muncho más llixeros que los pancakes normales. Fáigolos duces y salaos, y según la temporada van camudando. Por casu, agora tenemos unu de freses y pistachos. Y na seronda faemos de calabaza y mazana. Los salaos son de salmón y aguacate, y de bacon y quesu», detalla.
Sobrepesu tantu los pancakes como’l restu d’ellaboraciones d’Iván Álvarez son guapes, entren pol güeyu. «Son platos instagrameables», resume l’asturianu. Pero percima de la estética, ta’l conteníu y el so sabor. «Tou ye caseru». El pasteleru xixonés aportuna muncho nello, porque cuando yera pequenu «taba gordu, tenía sobrepesu». «Nel mio casa comíen galletes, Chetos, Coca Cola… A partir de los 14 años decidí comer solo coses que faía yo mesmu y empecé a endelgazar. A día de güei como pasteles, bizcuechos, de too, y la xente alucina de que tea delgáu. Porque equí pases el día picotiando… ç
La clave ta en que tou ye caseru. Non usu nin margarina nin aceites industriales. Los mios pasteles duren como máximos dos díes y los platos faense nel momentu, bien poques coses ellabórense por adelantao», remarca.
Otru ingrediente de la receta del so ésitu ye l’amabilidá. La obsesión del asturianu ye que’l veceru pase «un bon momentu» nel salón de té. «Gústame acoyer a la xente, tengo esi don, y en Francia esi tratu ye bien bon recibíu». Álvarez aplica nel so día a día na pastelería les sos conocencies como informáticu, que, diz, ayúdenlu a entamase meyor. «La informática ayudóme muncho y toi bien contentu d’habela estudiáu. Nun Peno pa nada».
¿Nuevos locales? Cumplíu en demasía el so primer suañu, Iván Álvarez tien otru: espandir la so fórmula d’ópera y salón de té por París, adquiriendo un local más grande, nel que poder dar conciertos d’ópera. «La xente pídelo, pero ye *díficil, porque si yo nun toi enriba, los platos nun salen como quiero». Por si dalgún día surde la oportunidá, yá tien pensáu’l nome: Mimi y Rodolfo, los personaxes de «La Bohème», aquella primer ópera que vio y escuchó na so Xixón natal.
El xixonés tampoco refuga abrir un «Violetta et Alfredo» n’Asturies. Ello ye que la última vegada que tuvo de visita en Xixón llegó a mirar locales. «La idea ta ende y al meyor un día llánzome. Los mios amigos anímenme a faelo y tán seguros de que tendía ésitu. Y ye verdá qu’en Xixón somos bien llambiones», conclúi.
