El Colexu Oficial de Psicoloxía del Principáu (COPPA) acaba de publicar una Guía d’intervención psicolóxica n’emerxencies nel contestu escolar. La guía presentóse’l pasáu sábadu na see del COPPA cola presencia de la conseyera d’Educación, Eva Ledo. Descarga la guía https://acortar.link/yFTNar
Esta guía naz col propósitu d‘ufiertar ferramientes práctiques para tresformar la incertidume n’una xestión entamada y humana. A lo llargo de les sos secciones,
encétense trés pilastres fundamentales:
- Primeros Auxilios Psicolóxicos (PAP).
- Xestión del duelu.
- Comunicación de males noticies.
En momentos de caos, la respuesta del personal educativo ye la primer ponte escontra la recuperación. Nun se trata de sustituyir el llabor de los especialistes en salú mental, sinón de saber qué faer y qué dicir nos primeros minutos y hores, cuando la intervención ye más crítica para prevenir problemes psicolóxicos al llargu plazu.
