Más d’ochenta nuevos participen n’una yincana de xuegos tradicionales pola salú en La Corredoria. «La salú se promueve non solo dende la consulta, sinón tamién saliendo a la cai», afirma Mercedes Sarmiento, promotora de la iniciativa Activu la mio Salú«. LNE
Una yincana de xuegos tradicionales rexuntó ayeri a más d’ochenta neños y adolescentes de La Corredoria nel parque infantil de Llaviada. L’actividá enmarcase na iniciativa Activu la mio Salú, un proyectu del centru de salú del barriu uvieín en collaboración col ISPA-FINBA pa «promover l’actividá física ente los mozos y combatir la obesidá infantil», esplica Mercedes Sarmiento, promotora del programa.
La iniciativa tien l’oxetivu de dinamizar los activos del barriu nos que los mozos atopen un espaciu d’ociu alternativu onde poder realizar exerciciu físicu. La primer fase del proyectu consistió precisamente na identificación de dichos activos per parte de los participantes. Los clubes deportivos del barriu, la plaza del Conceyín y les zones verdes fueron los más señalaos nes encuestes.
