Uviéu enllenose de color, ruiu, tradición y mázcares cola celebración del Festival Internacional de la Mázcara Ibérica (FIMI). Y ellí tuvimos tamién dalgunos integrantes de @apiast.ilustracion , dibuxando en directu mientres el desfile avanzaba. Intentando atrapar nos nuesos cuadiernos un pocu de toa esa enerxía, esos xestos y esos personaxes imposibles. Una esperiencia preciosa que nos dexó mirar la fiesta dende dientro, lápiz en mano.
Mientres unos díes, la ciudá axuntó a más de 30 grupos llegaos d’Asturies, Galicia, Castiella y Llión, Cantabria, Castiella-La Mancha, Estremadura, Portugal, Andorra, Bulgaria, Grecia y Rumanía. Un desfile únicu nel que convivieron personaxes, rituales y costumes que lleven sieglos formando parte de la cultura de los sos territorios.
Ver xuntos a los Mazcaritos d’Uviéu, los Sidros y Comedies, Os Reises de Tormaleo o les mazcaraes llegaes de tantos rincones de la Península y Europa foi un auténticu regalu. Les cais enllenárense de llueques, pieles, colores y muncha emoción, recordándonos la fuerza que sigue teniendo’l patrimoniu cuando se vive y comparti en comunidá.
