El próximu xueves, 16 de xunetu, a les 12:00 hores, va tener llugar la inauguración del Muséu del Miel de Boal, allugáu en Los Mazos. 📌 Ta abierta a tola ciudadanía.
Tres una fonda renovación, esti nuevu espaciu convida a afayar la hestoria, la tradición y l’importancia de l’apicultura, una actividá que forma parte de la identidá del nuesu conceyu y que contribuyó a faer de Boal un referente nesti ámbitu. Va tar dedicáu a la memoria de Julio Fernández Rodríguez «Naro», como homenaxe a toa una vida dedicada a la conocencia, el caltenimientu y l’espardimientu de l’apicultura tradicional.
Anímenvos a conocer un espaciu qu’empecipia una nueva etapa como llugar d’alcuentru, divulgación y promoción d’unu de los grandes símbolos de Boal.
