Autor ENZO PLATERO
Testu LETICIA SANCHEZ
Nacida nos años cincuenta, la Ciudá de Vacaciones de Perlora foi’l suañu de branu que dexó que miles de families esfrutaren per primer vegada d’unes vacaciones xuntu al mar.
El so privilexáu allugamientu, ente xardinos, sableres y cantiles, convertiose n’unu de los grandes destinos vacacionales del norte d’España. Cada branu, más de dos mil persones enllenaben de vida esti singular conxuntu de pequeños chalés integraos nel paisaxe.
A finales de los años setenta empezó’l so cayente. Tres el trespasu de la so xestión al Principáu d’Asturies en 1982, el complexu foi perdiendo actividá hasta’l so zarru definitivu en 2006. Güei resulta difícil entender cómo un proyectu tan singular terminó sumíu nun estáu d’abandonu tan desolador.
Y, sicasí, cada branu Perlora vuelve enllenase de vida. Les ruines ufierten solombra, les sableres siguen recibiendo families y la memoria ocupa’l llugar que dexaron les cases vacíes. Esa ye precisamente la escena que retrata Enzo Plateru nesta portada:
“Nesta portada semeya xuna escena inspirada nes mios alcordances d’infancia. La mio familia y yo solíamos pasar los branos en Perlora y siempres llegábamos llueu pa “pillar” sitiu so les cases abandonaes. A la so solombra, la xente comía, dormía’l pigazu, xugaba a les cartes, charraba o a cencielles dexaba pasar les hores. Ente bañu y bañu na sablera, toos acababen ensugándose al sol. Siempres m’esteló’l contraste ente aquella ciudá vacío y abandonao y tola vida que surdía a la so alredor”
- Enzo Plateru @platerine ye ilustrador infantil. Al traviés de personaxes espresivos y una paleta de colores vibrante, tresforma escenes cotidianes en pequenes hestories llenes d’emoción y detalles.
- Leticia Sánchez Ruiz @letisaurus ye profesora de narrativa y xuna de les voces más destacaes de la novela negra asturiana. Quiciabes por eso Perlora, cola so guapura murnia y les sos cais silencioses, bien podría convertise nel escenariu perfectu para una de les sos hestories.
@theasturianer
#perloraciudaddevacaciones
#coverillustration
#asturiasilustración
#culturaasturiana
