- Autor ALBA FANO
- Testu DECRETO 67/ 2017. Declaración bien d’interés cultural inmaterial los bolos asturianos.
Los bolos ye’l deporte que xunió a Asturies muncho primero de que’l fútbol enllenara los campos.
N’una tierra fondamente rural, la bolera yera’l corazón del pueblu: un llugar onde los domingos y les fiestes de guardar atopábense xeneraciones enteres para competir, parolar o, a cencielles, compartir la tarde.
Mientres los mayores apostaben la partida, los neños asonsañaren a un llau con piedres, palos o vieyos botes, aprendiendo un xuegu que pasaba de padres a fíos.
La primer referencia escrita a los bolos n’Asturies remóntase a 1495, cuando se documenta una partida nel Campu de San Francisco d’Uviéu. Sicasí, el so orixe ye muncho más antiguu, probablemente a los oríxenes del Camín De Santiago.
Mientres sieglos, el soníu de la madera cutiendo la madera acompañó la vida cotidiana d’aldegues y villes, convirtiendo esti xuegu n’una de les espresiones más enraigonaes de la cultura popular asturiana.
Nel occidente, los Pasabolos; nel oriente, el Birle o Bolo Palma; y na zona central, la Cuatriada, la modalidá más estendida y representativa. Se documentan hasta 35 modalidaes tradicionales de xuegu de bolos y 8 evolucionaes dende otres tradicionales, lo que convierte a los bolos asturianos n’unu de los patrimonios lúdicos más ricos d’Europa.
La so importancia va muncho más allá del deporte. Los bolos formen parte del imaxinariu colectivu asturianu y
apaecen na obra d’autores como Xovellanos -quien dispunxo los árboles frente a la so casa siguiendo la forma d’una bolera de cuatriada- Clarín, Palacio Valdés, Celso Amieva o Alejandro Casona.
Son memoria, paisaxe y cultura viva; una tradición qu’entá güei sigue rodando de pueblu en pueblu y que foi reconocida como Bien d’Interés Cultural Inmaterial y hasta cunten col so propiu muséu, en Panes.
- Alba Fano @fansu.art ye ilustradora y autora de cómic. Recrea hestories al traviés de personaxes carismáticos y busca prindar emociones, pequenos intres cotidianos y relatos que conecten con quien los reparen.
