La Vaqueirada volvió enllenar la braña de Aristébano de tradición, cultura y sentimientu vaqueiru. Una xornada bien especial na que, per primer vegada, celebráronse dos bodes vaqueires y la nuesa alcaldesa, Montse Fernández, recibió la reconocencia de Vaqueira d’Honor.
La Boda Vaqueira alica la tradición con un doble enllaz n’Aristébanu
La braña d’Aristébanu, ente los conceyos de Valdés y Tinéu, allugó unu de los grandes eventos del branu n’Asturies: la Boda Vaqueira. Anguaño foi una boda doble, casáronse dos pareyes de los conceyos de Tinéu y Salas, calteniendo intactes les tradiciones de va sieglos.
Como marca la tradición, los novios salen en pelegrinación hasta l’altu d’Aristébanu. Anguaño, el doble de novios. Ye la primer vegada, en 66 años, que dos pareyes se casen pol ritu vaqueiru. A caballu y detrás de los gües y la dote nupcial.
Una vaquerada énte la mirada de cientos de persones qu’asisten al «sí quiero» y al intercambiu d’aniellos. Una fiesta que trata de caltener intactes les tradiciones de los vaqueiros d’alzada.
Nun faltaron los bailles y cantares tradicionales. Una de les grandes fiestes del branu n’Asturies cargada d’asturianía.
💍🐂 La Boda Vaqueira axunta per primer vegada a dos pareyes en Aristébanu, calteniendo vivas les tradiciones de los vaqueiros d’alzada.
