🧬 1925 · Naz Baruch Blumberg y márcase el Día Mundial contra la Hepatitis. Baruch Samuel Blumberg identificó en 1967 el virus de la hepatitis B, a partir d’uno proteína detectada dos años antes nel sangre d’un aborixe australianu y bautizada por eso antígeno Australia. L’afayu dexó desenvolver un test pa bancos de sangre y, en 1969, xuntu a Irving Millman, la primer vacuna contra’l virus, que llegó al mercáu recién en 1982.
Trabayaba entós nel Fox Chase Cancer Center de Filadelfia. Recibió’l Nobel de Medicina en 1976, compartíu con Carleton Gajdusek. Médicu formáu en Columbia y doctoráu en bioquímica n’Oxford, dirixió más tarde l’Institutu d’Astrobiología de la NASA. Morrió en 2011. La Organización Mundial de la Salú afitó’l 28 de xunetu como Día Mundial contra la Hepatitis n’homenaxe a la so fecha de nacencia. La hepatitis B causa más d’un millón de muertes per añu.
