Los neños d’ocho y nueve años que los sos padres lleen con ellos en casa pueden algamar una ventaya equivalente a mediu cursu en comprensión llectora respectu de quien nun reciben esti acompañamientu. La diferencia sería comparable —ya inclusive llixeramente cimera— a la rellacionada col nivel socioeconómico familiar.
L’artículu de «El país» (d’España) esplica que’l desenvolvimientu llector empieza antes de la escolarización y fortalezse por aciu práctiques cotidianes como lleer en voz alta, parolar sobro llibros, visitar biblioteques y disponer de materiales de llectura nel llar. Esti ecosistema del llibru” favorez el vocabulariu, la fluidez y la comprensión, competencies fundamentales p’aprender en toles asignatures.
Sicasí, non toles families cunten con tiempu, recursos o seguridá p’acompañar a los sos fíos. Por ello, les dificultaes llectores tamién reflexen desigualdaes sociales que pueden ampliase mientres la trayectoria escolar y faese especialmente visibles en secundaria.
Frente a esta situación, l’artículu propón qu’escueles, biblioteques y organizaciones comuñales sofiten prioritariamente a los neños qu’escarecen d’acompañamientu llector en casa.
En resume, lleer en familia non solo fortalez los venceyos afeutivos: constitúi una práctica educativa decisiva p’ameyorar l’aprendizaxe, prevenir dificultaes escolares y amenorgar desigualdaes. Sicasí, la espresión mediu cursu de ventaya” representa una estimación comparativa basada n’estudios educativos y non una resultancia automática pa tolos neños (Zafra, 2022)
