‘Garrapata Alert’, la nueva ferramienta pa prevenir les picadures esti branu.
Una picadura de cachiparra non siempres tien que doler, munches vegaes pasa desapercibida y nun nos decatamos de que nos picó. Inclusive pue pasar díes alimentándose de la nuestra sangre asegura Alberto Espí, investigador del Serida.
Si nos piquen los pasos a siguir son cenciellos. De mano hai que garrales con procuru con una pinza evitando que se rompa y quede la cabeza dientro. Hai que tirar d’ella de manera perpendicular hasta que se suelte y, pa rematar, llimpiar la zona de la picadura con agua y xabón pa evitar infecciones. Anque tamién ye importante prestar atención a les enfermedaes que nos puen tresmitir.
El gobiernu punxo en marcha una aplicación, ‘Garrapata Alert’, qu’ayuda a detectar les picadures y los riesgos que puen suponer. Complementa a un proyectu impulsáu pola Conseyería de Salú n’Asturies. Los seis centros que participen nél, recueyen les cachiparres de les persones que van a ellos pa estudiales y reforzar la vixilancia epidemiolóxica señala María Luisa Rodríguez, subdirectora de Salú Pública
Anque la primavera ye la temporada onde hai más cachiparres ye importante tener munchu procuru en branu, evitando llevar pantalones curtios nel campu. Porque pa qu’haya cachiparres namás se necesiten dos factores: animales y zones protexíes del sol.
