LNE / Non solo dende tierra, tamién dende barcos o tables de surf: Asturies va ser el paraísu del eclís dende’l mar para turistes de mediu mundu. «Empezónos a llamar xente de California dende’l mes de xineru; ye impresionante”, cunta una empresa de Cuideiru, mientres en Frexulfe (Navia) una escuela de surf entama una iniciativa singular: «Va ser un momentu históricu».
L’eclís total del próximu 12 d’agostu ta al volver la esquina, y Asturies ta preparada para ello. Una rede de 78 puntos d’observación autorizaos, un dispositivu de seguridá con 700 efectivos y la distribución de miles de gafes homologaes aguarden la llegada de los cientos de millares de persones que se van mover a la rexón para esfrutar del acontecimientu. Pero non solo podrá reparase dende tierra. Delles empreses d’actividaes acuátiques prepararon innovadores actividaes para vivilo dende un llugar únicu: el mar Cantábricu.
