Autor RAMÖN DÍAZ, alias MONCHO @monchopinta
Testu LETICIA SÁNCHEZ @letisaurus
Empezamos agostu poniendo l’acentu n’una realidá que yá forma parte del nuesu paisaxe cotidiano: el cambéu climáticu. Y facémoslo sumándonos a esi cuestinable enclín del cine contemporaneu de revisitar los grandes mitos dende una mirada actual.
Aprovechando’l recién estrenu de La Odisea de Christopher Nolan y les socesives foles de calor que marcaron esti branu, nuesa Ana Ozores decidió que yá ta bien d’encarnar, día tres día, a l’atristurida dama decimonónica y Moncho, pela so parte, optó por tresformala n’Ana Calores.
Abandonó per unes hores el so pedestal frente a la catedral de Vetusta, camudó’l corsé pol bañador y punxo camín de la sablera.
Porque inclusive los personaxes inmortales precisen vacaciones. Y porque nengún mitu permanez vivu si nun ye capaz de reinventase.
- La portada ye obra de Ramón Díaz “Moncho” diseñador gráficu especializáu en diseñu audiovisual y editorial, identidá visual y dirección d’arte.
Desenvuelve la so trayectoria nel ámbitu nacional ya internacional y cuenta con reconocencies como’l de Meyor Diseñu y Portada nos Premios AMES 2026 y el de Meyor Videoclip na quinta edición del FIVO. Ye, amás, autor de proyectos editoriales como Vetusta Xénesis 4:7 (2021) y Februllage 2025 (2025). - El testu qu’acompaña a la ilustración lleva la firma de Leticia Sánchez, escritora, profesora de narrativa y copropietaria de la llibrería Mataderu Unu, heredera de la histórica llibrería Ojanguren, una de les instituciones culturales más emblemátiques d’Uviéu onde’l mesmu Clarín adquiría los sos llibros y asitiada a escasos metros de la escultura de La Rexenta de Mauro Álvarez, fináu apocayá.
Pocos escenarios resulten tan apropiaos por qu’Ana Ozores vuelva, una vegada más, a cobrar vida.
#coverilustration
#laregenta
#ilustradoresasturianos
#culturaasturiana
