Publicado en Poesía, Premios

L’Asociación CULTURES entregará los premios » Avilés ye… poesía» 2026

El sábadu, 26 de setiembre a partir de les 17’30 hores na sala d’actos del centru social de les Meanas, l‘Asociación CULTURES va faer entrega de los premios » Avilés ye… poesía» 2026 en 9 categoríes.

Güei presentamos a : José María » CHEMA»Aladro, Premio Categoría… estilos: Poesía Cantada.

En palabres del propiu premiáu:

Empecé la mio andadura na música a los 12 años participando n’una rondalla.

Más palantre fui componente de la Coral Polifónica Piloñesa, y de la Capiya Polifónica Ciudá d’Uviéu, para pasar dempués a promover una formación de música folk asturianu, el grupu Cuerria , col que grabé un discu “AlBellume la Viesca”, y participé representando a Asturies nelfestiva l intercélticu de la ciudá francesa de Lorient.

Darréu fui integrante del dúo “ Íñigo y Aladro” , y dende 2018 toco en solitariu. En 2021 participé col cantar “ Nun requexu de l’alma “ nel C.D del proyectu Instant.es, al pie de músicos como Victor Manuel, Rodrigo Cuevas, Joaquín Pixán, Anabel Santiago, Chús Pedro, Tina Gutiérrez, o Nachu Vegas.

Dende va cuatro años participo nos “Cancios de Chigre”, entamaos polos hosteleros de la cai Gascona d’Uviéu. Collaboro apurriendo la parte musical a los eventos entamaos  pol proyectu impulsáu por Graciano García “Asturies Capital Mundial de la Poesía “ Participo dende va años , poética y musicalmente, nos actos entamaos pola Asociación d’Escritores d’Asturies”

Grabé trés vegaes para la TPA, dos para’l programa “ De Romandela”, y una para’l programa “Axuntábense”

 

Autor:

Maestra de Llingua Asturiana Colexu Carmen Ruiz-Tilve - Uviéu