40.000 pieces y 10.000 kg de quesu casín producíos nel 2025. La DOP caltién les bones cifres pese a siguir con solo dos productores: Quesería Redes en Casu y Ca Llechi en Piloña. Los sos retos principales: aumentar númberos anguaño y atopar nuevos artesanos apunta Natalia Lobeto, presidenta de la DOP Quesu Casín y propietaria de la Quesería Redes (Casu).
La xuba de costos produz xuba de preciu, nuna media de 10 euros por unidá. Aspiren a ganar más presencia en mercaos rexonales y internacionales. Esti de Redes estrena amás la reconocencia nacional La Cuña d’Oru.
Nel certame va ufiertase un millar de pieces que confíen volver vender dafechu.
Nun va haber per segundu añu consecutivu concursu de productores, pero sí de platos ellaboraos con quesu casín. La periodista Aitana Castaño va pronunciar el pregón y Maruja la de La Marea va recibir a títulu póstumu’l Casín d’Oru pola so contribución a esta tradición.
La cita, el próximu 29 d’agostu n’El Campu.
