El 2 d’agostu de 2027 vamos vivir el llamáu eclís solar del sieglu. A diferencia del eclís de 2026, esti eventu va ufiertar unes condiciones d’observación muncho más favorables al asoceder ente la mañana y el mediudía, col Sol asitiáu muncho más alto nel horizonte. Esto va dexar esfrutar d’una esperiencia única dende cualquier allugamientu dientro de la franxa de totalidá, siempres que les condiciones meteorolóxiques acompañen.
Lo que vuelve tan especial a esti fenómenu ye la estraordinaria duración de la escuridá total. A diferencia de munchos eclises, que la so totalidá apenes dura un par de minutos, esta vegada la fase de totalidá va algamar unos increíbles 6 minutos y 23 segundos nel so puntu máximu, n’Exiptu. Tiempu de sobra p’almirar la corona solar y esfrutar d’unu de los espectáculos celestiales más impresionantes que vamos poder guardar.
Mientres esos minutos, el día va escurecer de forma repentina y l’atmósfera va camudar radicalmente frente a los tos güeyos. Una esperiencia que nenguna fotografía puede tresmitir por completu. Duración de la totalidá en Cádiz: 2 min 53 s 🌑 ☀️
