Asturies tien un nuevu superhéroe, ‘El Repunante Paisanón’. Un mineru prexubiláu planta cara a tolos malos qu’amenacen el Principáu. Asturies tien un nuevu superhéroe. Nun vien de Gotham nin de Nueva York, vien de Mieres y lleva montera picona. Llámase ‘El Repunante Paisanón’, un cómic asturianu, y tien una misión: plantar cara a tolos malos qu’amenacen Asturies.
El so nome real ye Colás Castañón, un mineru prexubiláu que convirtió’l pozu Barreo nel so xoril. Dende ellí, prepara les sos operaciones escontra enemigos tan poco avezaos como los de la sidra o los narcotraficantes.
Detrás d’esti peculiar héroe ta Héctor Fernández, un mierense que lleva dibuxando dende neñu. La so receta entemez los clásicos superhéroes americanos con munchu humor asturianu.
Y si hai daqué que nun-y falta al protagonista ye personalidá. Montera picona, super traxe y un nome tan asturianu como malu de traducir, repunante, y el so primer enemigu va ser la sidra.
Asina que’Asturies yá tien nuevu defensor. Un superhéroe ensin capa, pero con montera picona, que ta dispuestu a demostrar qu’equí tamién sabemos lluchar escontra’l mal.
