El Gochu Asturcelta ye’l protagonista del festival Agrosiero, que cumple 41 ediciones.
Agrosiero cumple 41 ediciones y esti fin de selmana’l Gochu Asturcelta cobra especial protagonismu, cola participación de 21 ganaderíes de 17 conceyos diferentes. Una edición marcada, poles restricciones sanitaries qu’afecten al ganáu vacuno y na que na so inauguración, los políticos recalcaron los problemes qu’atraviesa’l campu asturianu.
El conseyeru de mediu rural, Marcelino Marcos, aprovechaba pa destacar la Política Agraria Comunitaria.
El voceru de Mediu Rural del Partido Popular, Luis Venta, recalcó la importancia d’algamar vacunes pa enfrentar bien llueu la dermatosis nodular.
Per otru llau, el secretariu xeneral de Foro Asturies, Adrián Pumares, amosó la desesperación de los ganaderos asturianos, frente a los ataques del llobu, sobre manera en La Sierra’l Sueve.
Agrosiero sigue hasta mañana col décimu Concursu de Manexu del Gochu Asturcelta y la entrega de premios como remate final.
