Educación recibió’l cursu pasáu 570 alertes por malestar emocional ente l’alumnáu asturiano.
Salú creó trés equipos específicos para atender a casa crisis de salú mental na infancia y adolescencia.
Nel últimu cursu, Educación rexistró más de 570 alertes rellacionaes con problemes serios nel bienestar emocional del alumnáu. La mayoría de los casos, 507, catalogaes como de riesgu non inminente de mancadures o suicidiu, pero 66 casos se tipificaron como de riesgu inminente. Nesos postreros, los centros educativos llamen al 112. Del total, el 65% fueron muyeres y la mayoría de secundaria y FP.
El Principáu destaca que la guía para la intervención énte la conducta suicida ta facilitando’l manexu d’estes situaciones nos centros. Dexa detectar, espliquen, el malestar emocional de los estudiantes p’actuar de manera temprana.
Tamién inciden en que na mayoría de los casos los problemes son leves y resuélvense nos mesmos centros.
Asturies va ser la segunda autonomía en blindar con una llei la salú mental de neños y adolescentes
La sanidá asturiana creó trés equipos específicos p’atender a casa crisis de salú mental en neños y adolescentes, unu per área sanitaria. Ye un serviciu de nueva implantación, financiáu pol Ministeriu de Sanidá, que yá ta evitando hospitalizaciones. Asisten, ente otros, a mozos con pensamientos suicides y tamién ufierten sofitu a les families.
La prevención del suicidiu figura nel proyectu de Llei de Salú Mental del Principáu. Asturies va ser, tres La Rioxa, la segunda autonomía en blindar con una norma la so protección. Esti llunes, na Xunta, empiecen les comparecencies parlamentaries d’espertos previes a la tramitación de la llei.
