Redes Sociales y desarrollu infantil: lo que la ciencia alvierte y Dinamarca yá regula.
La esposición temprana a redes sociales afecta’l desenvolvimientu cerebral muncho primero de qu’un neñu tenga’l maduror para entender lo que ta viendo. Los estudios qu’hai hasta agora coinciden no mesmo: más usu d’estes plataformes na infancia rellacionase con más ansiedá, menos hores de suañu y una capacidá d’atención que s’encurtia.
¿Por qué pasa? El scroll infinitu nun ye casual. Ta diseñáu para activar el circuitu de pagu. Un celebru de 10 o 12 años entá nun tien la corteza prefrontal madura para poner frenu. Nun ye que’l neñu «quiera tar agabitáu», ye qu’el so sistema nerviosu respuende de forma automática a un estímulu para’l que nun ta preparáu. Col tiempu apriende que precisa tar siempres aguiyáu y qu’aburrise ye insoportable. Y la so autoestima empieza a depender de los likes.
Con esta información, Dinamarca tomó una decisión: dende 2025, prohibíu l’accesu a redes sociales para menores de 15 años. Solo déxase dende los 13 con autorización espresa de los padres. Inclúi verificación d’edá obligatoria y sanciones para les plataformes.
Nun ye aisllalos nin castigalos. Ye poner una llende de salú pública mientres el celebru termina de maurecer.
Fonte:
• Twenge, J. (2019). “Age of anxiety: Social media use and adolescent mental health.” Journal of Abnormal Psychology.
• Danish Ministry of Digitalization (2024). Youth Online Safety Proposal & Policy Brief.
• Odgers, C. (2020). “Social media and the developing brain.” Nature Human Behaviour.
• Woods, H. & Scott, H. (2016). “Sleep disruption and screen exposure in adolescents.” Sleep Medicine