L’IES de La Florida n’Uviéu pasa a llamase Xuan Bello nun emotivu homenaxe al escritor asturianu. El Principáu propón conceder al escritor la Medaya d’Asturies a títulu póstumu y dedicará-y el próximu Día de les Lletres Asturianes. El Comercio / Actualidá/
𝗠𝗘𝗠𝗢𝗥𝗜𝗔
𝗡𝗮𝗺𝗮́𝘀 𝘁’𝗮𝗹𝗰𝘂𝗲𝗿𝗱𝗲𝘀
𝗱𝗲𝗹 𝗮𝗶𝗿𝗲 𝘃𝗲𝗿𝗱𝗲 𝗲𝗻𝘁𝗲 𝗹𝗮 𝗳𝘂𝗲𝘆𝗮 𝗹𝗲𝘀 𝗮𝗯𝗹𝗮𝗻𝗮𝗿𝗲𝘀,
𝗹𝗮 𝗺𝗮𝗻𝗼 𝗲𝘀𝗰𝗮𝗰𝗲𝘆𝗮𝗻𝗱𝗼 𝗹’𝗮𝗹𝗹𝗲𝗴𝗿𝗶́𝗮
𝗱𝗲 𝘀𝗲𝗿 𝗻𝗲𝗻𝘂 𝘀𝗶𝗲𝗺𝗽𝗿𝗲,
𝘂𝗻𝗮 𝘁𝗮𝗿𝗱𝗲 𝘆 𝗼𝘁𝗿𝗮,
𝗽𝗼𝘀 𝗲𝗹 𝘁𝗶𝗲𝗺𝗽𝘂 𝗶𝗻𝗱𝗮 𝗻𝘂𝗻 𝗲𝘀𝗶𝘀𝘁𝗶́𝗮 𝘆 𝗹𝗮 𝗺𝘂𝗲𝗿𝘁𝗲
-𝗹𝗮 𝗺𝘂𝗲𝗿𝘁𝗲 𝘆𝗲𝗿𝗮 𝘂𝗻𝗮 𝗰𝗼𝗹𝘂𝗺𝗻𝗮 𝗲𝗹𝗲́𝗰𝘁𝗿𝗶𝗰𝗮
𝗼𝗻𝗱𝗲 𝗽𝗼𝘀𝗮𝗯𝗲𝗻, 𝘀𝗼𝗹𝗲𝗺𝗻𝗲𝘀, 𝗹𝗼𝘀 𝗽𝗮́𝘅𝗮𝗿𝗼𝘀.
Malapenes un añu dempués del fallecimientu del poeta y cronista tinetense Xuan Bello, la comunidá educativa d’Uviéu y les instituciones asturianes axuntáronse esti xueves para oficializar el cambéu de nome del institutu de La Florida que pasa a llamase IES Xuan Bello.
El presidente del Principáu, Adrián Barbón, recordó güei la relevancia del escritor Xuan Bello, fináu l’añu pasáu, que dende güei da nome al institutu d’Educación Secundaria de La Florida. “Xuan Bello fíxonos meyores llectores y meyores persones y dende esti institutu que lleva’l so nome va siguir llogrando esti noble cometíu, el más altu para cualesquier ser humanu”, espresó mientres l’actu d’inauguración d’una nueva imaxe gráfica que rinde homenaxe n’aules y pasiellos a la obra del autor, una de les figures más importantes de la lliteratura en llingua asturiana.
Nesti eventu, col alumnáu y profesoráu entornáu nun emotivu homenaxe, y énte la presencia de la vilba de Xuan Bello, Sonia Fidalgo, y de la so fía, L.lena, el presidente anunció que va proponer la concesión de la Medaya d’Asturies a títulu póstumu pal escritor. Tamién informó de que la so trayectoria va ser la protagonista de la próxima Selmana de les Lletres. “Inda nos costar falar de Xuan en pasáu, porque la so palabra ta de xuru viva. Queda nos sos llibros, nos sos versos y en cada rincón onde daquién llea xuna páxina so pa recordar que la poesía ye, a la fin, la única respuesta honesta frente al tiempu y la perda”, espresó Barbón.
Les pilastres del pensamientu del autor cuartanu protagonizaron la mañana nel centru educativu, inauguráu fai dos cursos académicos, y que cunta con unes instalaciones pioneres. Asina, la memoria, l’orixe, la mirada ablucada de la infancia y el valor de les llingües propies tuvieron presentes nuna xornada de celebración, na que tamién participaron les conseyeres de Cultura, Vanessa Gutiérrez, y Educación, Eva Ledo.
“Él non solo defendió y dignificó l’asturianu, sinón que lo vistió de gala pa sacalo a pasiar pel mundu. Enseñónos que nun esisten les hestories pequenes si hai un poeta dispuestu a escuchales”, resaltó’l presidente, quien se comprometió a siguir trabayando pola oficialidá del asturianu “tan necesaria p’asegurar la so supervivencia”. La defensa de la educación público y gratuito en toles etapes y l’agradecimientu a la comunidá docente centraron parte del discursu del xefe del Executivu.
“Tenéis de sentir como un inmensu honor qu’el vuesu institutu lleve’l nome de Xuan Bello. Nestos tiempos en que lo ídolos vistir de frivolidá y pensamientos xeneraos a golpe de IA, yo convídovos a buscar otros referentes. Lleéi a Xuan Bello, sentíi les sos palabres, suañái como fixo él hasta faer universal les andances d’un pequenu pueblu asturianu”, animó’l presidente, quien, como los alumnos d’asturianu del centru educativu, pronunció los siguientes versos de Bello.
‘Namás t’alcuerdes
del aire verde ente la fueya les ablanares,
la mano escaceyando l’allegría,
de ser nenu siempre,
una tarde y otra,
pos el tiempu inda nun esistía y la muerte
-la muerte yera una columna eléctrica
onde posaben, solemnes, los páxaros».
del aire verde ente la fueya les ablanares,
la mano escaceyando l’allegría,
de ser nenu siempre,
una tarde y otra,
pos el tiempu inda nun esistía y la muerte
-la muerte yera una columna eléctrica
onde posaben, solemnes, los páxaros».





