Publicado en Nadal

Nava, escoyíu por Ferrero Rocher pa llumalo de baldre en Navidá

Ferrero Rocher escueye per segundu añu consecutivu a un pueblu d’Asturies para allumalo de baldre en Navidá con más de 200.000 bombilles doraes. La localidá asturiana va participar nel concursu Xuntos Rellumamos Más, que convierte tolos años al conceyu más votáu nel meyor allumáu d’España. LNE /

Per segundu añu consecutivu, la famosa marca de bombones Ferrero Rocher afitóse n’Asturies y escoyó unu de los sos pueblos pa participar nel concursu Xuntos Rellumamos Más, la campaña cola que premia a la localidá ganadora col meyor llume navidiega del país, compuesta por más de 200.000 bombilles led. En 2025 entró na competición Cuideiru, que se quedó a les puertes de la gran final, y nesti 2026 va ser Nava quien aspire a ser el rincón más doráu d’España mientres les fiestes d’avientu.

La competición inda nun empezó, pero’l Conceyu yá punxo en marcha la primer batalla: movilizar a vecinos y visitantes pa llegar a payares col mayor númberu posible de sofitos. «Vamos ver si, ente toes y toos, consiguimos que s’allume Nava esta Navidá», proclamó’l Consistoriu nes sos redes sociales. La localidá va tener que superar delles rondes eliminatories nes que van ser los votos del públicu los que determinen qué conceyos siguen adelantre.

Les votaciones entá nun tán abiertes. La plataforma oficial va habilitase más palantre na páxina web de Ferrero Rocher España, coincidiendo col entamu de la campaña. El Conceyu quixo, por tanto, adelantrase al calendariu por que los vecinos conozan el concursu y tean preparaos pa participar dende’l primer momentu.

El conceyu que consiga imponese recibe l’esplegue de llume navidiego, col que la marca tresforma mientres les fiestes les cais y espacios públicos de la localidá escoyida con miles de lluces. El ganador anúnciase davezu n’avientu. L’añu pasáu’l pueblu que rellumó más foi’l de Tejeda (Gran Canaria).

El so espectacular llume foi afayáu’l 17 d’avientu con una ceremonia presentada por Jesús Vázquez. Ente otros decoraos, cuntó con más de 200.000 bombilles led, trés kilómetros de cableaxe, un gran árbol allumáu de 12 metros y xuna bola xigante qu’asemeya un bombón.

La primera empieza a principios de payares col anunciu de los diecisiste pueblos participantes y l’entamu de les votaciones, que suel tar abierta unos venti díes. De siguío, anúnciense los cinco pueblos más votaos y rematar col ganador na ponte de la Constitución. Darréu, tien llugar l’actu del esperáu encendíu navidiegu.

 

Autor:

Maestra de Llingua Asturiana Colexu Carmen Ruiz-Tilve - Uviéu