Los productores de miel certificao d’Asturies esperen que la collecha d’esti añu puea ser meyor que l’anterior, cuando algamaron poner a la venta cerca de 110 tonelaes.
Hai más productores y comercializadores na IXP Miel d’Asturies… y la meteoroloxía nun afectó a la producción.
Esti productu ye’l protagonista en Bual nuna feria qu’axunta una trentena de productores. Los precios encareciéronse daqué al respective del añu pasáu, sobre un 10%, anque na llinia d’otros productos de la cesta de la compra. El kilo de miel, dependiendo de la clase, movióse ente los 11 y los 14 euros.
Muncha afluencia de públicu y ye que la miel sigue siendo ún de los manxares preferios. Amás de miel, la feria cunta con espositores mui distintos…

