El filósofu y docente español Víctor Bermúdez alvierte que les dificultaes pa escribir correctamente, espresase con claridá y entender lo que se llee afecten directamente al desenvolvimientu del pensamientu. La so afirmación, «Si nun escribes bien y nun fales bien, tampoco puedes pensar bien», sorraya que’l llinguaxe nun ye namás una ferramienta de comunicación, sinón tamién un preséu fundamental pa entamar idees, razonar y construyir argumentos.
L’analfabetu del futuru nun va ser quien nun sepa lleer,
sinón quien nun aprienda a pensar. Karl Popper
Bermúdez cuestiona una educación onde les pantalles, la inmediatez y l’usu indiscrimináu de la intelixencia artificial puen sustituyir l’esfuerzu intelectual. Nun sostién que los mozos sían menos intelixentes, sinón que precisen fortalecer les sos capacidaes llingüístiques y culturales. La so reflexón reivindica la llectura, la escritura, la filosofía y el pensamientu críticu como pegollos indispensables d’una formación verdaderamente integral y autónoma.