La XLVIII Selmana de les Lletres Asturianes dedícase al escritor Xuan Bello, voz referencial de la lliteratura asturiana contemporánea. La so obra, marcada pola memoria, el paisaxe y la identidá, contribuyó a globalizar la llingua asturiana dende una mirada fondamente lliteraria, convirtiéndola nuna espresión de valor plenu dientro’l panorama lliterariu español y européu.
Con mires de celebrar esta efeméride nes nuestres aules, la Conseyería d’Educación y la Conseyería de Cultura, Política Llingüística y Deporte convoquen certámenes de creación en llingua asturiana y en gallego-asturiano o eonaviego dirixíos a tol alumnáu en delles modalidaes artístiques.