👉🏻 Te presentamos Cróniques d’Asturies. Una iniciativa asturiana qu’empieza la so actividá n’ochobre del añu 2021 cola apaición de la nuesa segunda canal en YouTube. Este, ye un portal familiar variáu, nel que tenemos conteníos de tolos tipos y gustos. Principalmente de calter rexonal. Dalgunos de los vídeos que vas poder atopate na nuesa canal traten sobro noticies, música, cultura, recetes, sableres, rutes… ¡Y un montón de coses más! Amás, cuntamos con una llista de conteníos n’asturianu y xuna seición de podcast sobro la hestoria d’Asturies tamién en llingua asturiana 🗣. Esperámoste tolos domingos a les 12:00h de la mañana, equí.
Categoría: Noticies
¡Espierta l’interés del to alumnáu pola actualidá!
‘La cestería en Grau’, una amuesa sobro ‘los goixeiros’ y la cestería
La esposición ‘La cestería en Grau’, promovida pol muséu etnográficu de la villa moscona, pue visitase na casa de cultura hasta’l 28 de febreru.
El pasáu miércoles inauguróse en Grau la esposición ‘La cestería en Grau’. La esposición estrémase en dos espacios, unu dedicáu a la tradición de ‘los goixeiros’ nel conceyu y un segundu espaciu dedicáu a la cestería.
Fai más d’una década que ‘los goixeiros’ desapaecieron nel conceyu pero agora, una esposición recupera’l so trabayu y el so bon faer. Na amuesa podemos ver les principales pieces que fabricaben estos artesanos, les sos ferramientes o’l so bancu de trabayu.
Sigue leyendo «‘La cestería en Grau’, una amuesa sobro ‘los goixeiros’ y la cestería»