Minientradas

«Onde haya un árbol que llantar,
llántalo tu …
onde haya un erru qu’enmendar,
enmiéndalo tu …
onde haya un esfuerzu que toos tornen,
acéptalo tu …
hai l’allegría de ser sanu y la de ser xustu,
pero hai sobremanera, la formosa,
la tan inmensa allegría de sirvir»
Gabriela Mistral

La «Sinfonía del Gatu», representación humorística con gatinos

  • La «Sinfonía del Gatu», obra del pintor austríaco Moritz von Schwind en 1868
  • Ye una representación humorística d’una melodía para violinos na que, en llugar de notes, muévense numberosos gatos sobro’l papel.
  • Anguaño caltiense na Staatliche Kunsthalle Karlsruhe (Alemaña)./ obra /

La Sinfonía del Gato (Die Katzensymphony)
dibuxu de Moritz von Schwind de 1868.
Staatliche Kunsthalle Karlsruhe.

Sigue leyendo «La «Sinfonía del Gatu», representación humorística con gatinos» →

Reflexón: L’inconsciente gobierna la nuesa vida

  • …L’inconsciente gobierna la nuesa vida,
    y l’inconsciente ta formáu poles nueses creencies,
    munches  son falses anque les deamos por ciertes.
  • Tener una actitú d’apertura primero de too
    asítianos en meyores condiciones para siguir creciendo.
  • Como yá dixera Keynes, «lo más difícil del mundu
    nun ye que la xente acepte nueves idees,
    sinón qu’escaeza les antigües»
  • Goethe: «Ten curiáu colo qu’apriendes
    porque nun vas poder escaecelo».
  • Tar abiertos al «desaprendizaxe» ye absolutamente
    imprescindible por que’l verdaderu aprendizaxe tenga llugar.
  • Munches vegaes, lo que pensamos que conocemos
    ye lo que realmente nos torga aprender».

Bertrand Russell 1872-1970 / Matemáticu, filósofu, escritor.

LA VIDA ENSIN AMOR…

LA VIDA ENSIN AMOR…
«La intelixencia ensin amor, te fai perversu
La xusticia ensin amor faite implacable
La diplomacia ensin amor faite hipócrita
L’ésitu ensin amor faite sobeyosu
La riqueza ensin amor faite avaru
La docilidad ensin amor faite servil
La probeza ensin amor faite arguyosu
La guapura ensin amor faite risible
La verdá ensin amor faite firiente
L’autoridá ensin amor faite tiranu
El trabayu ensin amor faite esclavu
La cencellez ensin amor faite indiferente
La llei ensin amor faite dictador
La política ensin amor faite ególatra
La fe ensin amor faite fanáticu
La convivencia ensin amor vuélvese tortura
Y la vida ensin amor nun tien sentíu.»

Sigue leyendo «LA VIDA ENSIN AMOR…» →

Tiempu para tar, para Ser… y sentir.
Tiempu para compartir.
Para esfrutar. Para folgar.
Tiempu para alendar.
Tiempu para abrazar el tiempu.
Tiempu para mirar, para sonreir.
Tiempu para suañar.
Tiempu para tar conmigo.
Tiempu para tar contigo.
Tiempu para la Vida, en ralentín.

«Seique tou esto nun sía más qu’una ilusión,
pero nun puedo poner en dulda que la sentí.
L’alcordanza ye tamién una esperiencia».
Shohei Ooka

«Que la forma de vivir la to vida, sía una fonte d’inspiración para los demás. Qu’el to pasu por esta vida, dexe buelgues bien guapes nel corazón, de los que tengan la bonaventura de conocete.

Que la to forma de ser sía siempres auténtica, sincera y honesta. Que les tos actitúes énte los problemes que trai’l día ente día, sía siempres cola frente n’alto encarando lo que sía con valentía. Qu’aprendamos a ver más les cualidaes nes persones y non los sos defectos. Que nun guardes los «quiérote»a les persones qu’ames. Sobremanera que sías bien feliz equí y agora.»

Autor: July Martínez

Poesía vertical (Roberto Juarroz)

«Les palabres nun son talismanes.
Pero cualquier cosa puede transmutarse
en poesía si la toca la palabra indicada.

Nun ye asuntu de maxa nin d’alquimia.
Trátase de pensar d’otra miente les coses,
apalpar otra manera,
abandonar les palabres que les usen
y allegar a les palabres que les canten,
les palabres que les llevanten nel vientu
como clavos amburando nel plasmu.

Estaques convertíes n’estrelles,
zapatos para calzar crucifixones,
cegueres abiertes nel llombu del día,
visiones reservaes para volver espertar,
tenrures que se retarden para salvar l’amor.

Trátase solamente de crear otra voz:
la voz ausente adientro de les coses».

«Dexa que les coses ruémpanse,
dexa d’esforciate por calteneles pegaes.
Dexa que la xente enóxese.

Dexa que te critiquen,
la so reacción nun ye’l to problema.
Dexa que tou se derrumbe,
y non te esmolezas pol dempués.
¿A ónde voi dir? ¿Qué voi faer?

Lo que ta destináu a dise va dise sía comoquier.
Lo que tenga que quedase, va siguir siendo.
Lo que se va siempres dexa espaciu
para daqué nuevu, esa ye la llei universal.
Y nunca pienses que yá nun hai nada bono para ti,
solo que tienes que dexar de contener
lo qu’hai que dexar dir.»

— Comer, rezar , amar, Elizabeth Gilbert.

Yo me nazo, yo mesma llevántome,
organizao la mio forma y determino
la mio cantidá, el mio númberu divín,
el mio réxime de paz, el mio azar de lloru.

Establezo’l mio orixe  y termino
porque sí, pa nunca, polo tantu.

Soi lo que m’asocede cuando canto.
Nun tengo ganes de tener destín.
El mio corazón toi ellaborando;
ordeno sufrimientu a la so midida,
educo al odiu y al amor lo mando.

Autorízome a morrer solo de vida.
van escaeceme ensin dulda, pero cuando’l
mio soterráu caprichu lo decida.

 María Elena Walsh |Asunción de la poesía

 

Na to sorrisa más sincera.
Cuando’l to mano ufiértase arrogante.
El to abrazu que nun calcula’l tiempu
y ye una cura para l’alma.
El to silenciu qu’acueye
ensin xuiciu la palabra.
Cuando te amueses con tola fuerza
de la to vulnerabilidá.