COLEF Asturies celebra contigo’l Día Mundial de l’Actividá Física
Anímen a tola población a que realice deporte na so casa, apostando por rutines variaes nes que puede participar tola familia. Güei, 6 d’abril, cellébrase en tol planeta’l Día Mundial de l’Actividá Física, dende casa.
Dende’l Colexu Oficial de Llicenciaos n’Educación Física y Ciencies de l’Actividá Física y del Deporte d’Asturies (COLEF Asturies) recuerden que ye bien importante qu’esto díes de onfinamientu evite’l sedentarismu, amás d’evitar pasar más d’una hora sentáu, amenorgar el tiempu delantre de les pantalles y aumentar l’actividá física diaria.
Animen a tolos asturianos a buscar un espaciu nes sos cases onde improvisar un ximnasiu, escoyer un momentu al día y, solo o en familia, realizar actividaes físiques apropiaes a la condición física y estáu de salú de cada unu.
Encamienten poner una alarma y cada ciertu tiempu movese pola casa y realizar rutines periódiques para romper el sedentarismu. Realizar exerciciu físicu en familia al traviés de xuegos motrices va cubrir unes necesidaes fundamentales en neños y adultos, como ye la necesidá de movimientu, d’acompañamientu y de bienestar emocional, que nestos momentos son imprescindibles para xuna bona convivencia tamién. Nun tien d’escaecer que la E. Física ye bien importante en toles etapes de la vida.
- www.colefasturias.org
- #MuéveteEnCasa
- #ActivaAsturias
La OMS: Organización M. de la Salú promueve´l Día Mundial de l’Actividá Física, dende 1948, definiendo esta postrera como “tolos movimientos que formen parte de la vida diaria, incluyendo’l trabayu, la recreación, l’exerciciu y les actividaes deportives”. Esta fecha foi escoyida cola necesidá de crear conciencia sobro les enfermedaes mortales mundiales y crear vezos sanos nes persones.
La práctica regular d’actividá física, conxuntamente con bonos vezos alimenticios, pueden ayudar a evitar o retardar la manifestación de les enfermedaes cardiovasculares, la diabetes, la osteoporosis, el cáncer de colon y los entueyos acomuñaos col sobrepesu y l’obesidá. Encamiéntase realizar 30 minutos diarios d’exerciciu para caltener la salú físico y emocional.
